పల్నాడు జిల్లా కారంపూడి లో ఘనంగా డాక్టర్ కోడెల శివప్రసాద్ జన్మదిన వేడుకలు జరుపుకున్నారు. ఈ కార్యక్రమానికి విచ్చేసిన జూలకంటి బ్రహ్మారెడ్డి కేక్ కట్ చేసి శుభాకాంక్షలు తెలిపారు. బ్రహ్మారెడ్డి మాట్లాడుతూ కోడెల అనేక అభివృద్ధి కార్యక్రమాలు చేపట్టి పల్నాటి పులిగా పేరు తెచ్చుకున్నారని, అంతే కాక ఎన్టీఆర్ ముఖ్య సలహాదారుడిగా ఉంటూ పార్టీని బలోపేతం చేయటంలో తనవంతు కృషి ఎంతో ఉందన్నారు. వారు మన మధ్య లేకపోయినా వారి స్పూర్తితో పార్టీని బలోపేతం చేస్తూ ప్రజలకు సేవ చేసే కార్యక్రమంలో నేటి యువత ముందుండాలని కోరారు. ఈ కార్యక్రమంలో కారంపూడి పట్టణ అధ్యక్షులు కటికల బాలకృష్ణ, మండల అధ్యక్షులు మరియు తెలుగుదేశం పార్టీ కార్యకర్తలు ఎస్ పి ఆర్ కృష్ణ, మస్తాన్ జానీ,, పేరయ్య, నాగేశ్వరరావు, గమినియల్ బాబు మరియు పట్టణ మరియు మండల కార్యకర్తలు పాల్గొన్నారు.
