కరీంనగర్ జిల్లా గన్నేరువరం మండలంలో ఎస్సైగా 20 నెలలపాటు విశిష్ట సేవలు అందించి అన్ని వర్గాల వారి మన్నలను పొంది కరీంనగర్ కు బదిలీపై వెళ్తున్న ఎస్సై మామిడాల సురేందర్ ని ఆదివారం గన్నేరువరం లో ఏర్పాటు చేసిన వీడుకోలు సమావేశంలో చిగురుమామిడి జడ్పిటిసి గీకురు రవీందర్ ఆధ్వర్యంలో కరీంనగర్ జిల్లా రైతుబంధు జిల్లా సమితి అధ్యక్షులు, మాజీ బెజ్జంకి జడ్పిటిసి గూడెల్లి తిరుపతి తో కలిసి ఘనంగా శాలువా పుష్పగుచ్చంతో సన్మానించి వీడ్కోలు తెలపడం జరిగింది. ఏ ఉద్యోగియైన విధులు సక్రమంగా నిర్వహించినప్పుడే గుర్తింపు లభిస్తుందని తెలిపారు. ఎస్ఐ సురేందర్ గతంలో చిగురుమామిడిలో సైతం విధులు నిర్వహించి అందరి మన్ననలు పొందారని తెలిపారు. ఎస్సైగా విధులు నిర్వహిస్తూ పోలీస్ సంక్షేమ సంఘం ఉమ్మడి కరీంనగర్ జిల్లా అధ్యక్షులుగా తన వంతు సేవలను చేయడం అభినందనీయం అన్నారు. అంతకుముందు మండలంలోని అన్ని గ్రామాల ప్రజాప్రతినిధులు, వివిధ రాజకీయ పార్టీల నాయకులు జర్నలిస్టులు అధికారులు ఎస్సై సురేందర్ ను శాలువాతో ఘనంగా సన్మానించారు. ఈ కార్యక్రమంలో మాజీ ఎంపీపీ హనుమాండ్ల మల్లారెడ్డి, లక్ష్మీ చారిటబుల్ ట్రస్ట్ చైర్మన్ సీనియర్ జర్నలిస్ట్ గాదే రఘునాథ్ రెడ్డి, మామిడాల శ్రీనివాస్, బోయిని కుమార్, అంజి తదితరులు పాల్గొన్నారు.
