కరీంనగర్ జిల్లా గన్నేరువరం మండలం ఖాసీంపేట రైతు వేదికలో రైతు తీర్మాన కార్యక్రమానికి ఎమ్మెల్యే రసమయి బాలకిషన్ మంగళవారం హాజరయ్యారు. కాంగ్రెస్ నాయకులు నుంచి నిరసన సెగ తగిలింది. రైతు వేదికలో నిర్వహించిన రైతు తీర్మాణ కార్యక్రమానికి ఎమ్మెల్యే హాజరుకాగా మండల కాంగ్రెస్ నాయకులు ఎమ్మెల్యేకు వ్యతిరేకంగా నినాదాలు చేస్తూ ర్యాలీ నిర్వహించారు. ఎమ్మెల్యేను అడ్డుకునే ప్రయత్నం చేయగా పోలీసులు వారిని అదుపులోకి తీసుకొని చిగురుమామిడి పోలీస్ స్టేషన్ కు తరలించారు. ముందుగా కాంగ్రెస్ నాయకులు పోలీసుల మధ్య ఈ తోపులాటలో సిఐకి కాంగ్రెస్ నాయకులకు స్వల్ప గాయాలయ్యాయి. దీంతో గన్నేరువరం మండల కేంద్రంలో మండల కాంగ్రెస్ నాయకులు సీఎం కేసీఆర్, ఎమ్మెల్యే రసమయి బాలకిషన్ దిష్టిబొమ్మ దగ్ధం చేశారు.
