కరీంనగర్ జిల్లా: ది రిపోర్టర్ టీవీ: చిగురుమామిడి మండల ముదిరాజు మహాసభ సంఘ నాయకులు శాసన సభ్యులు వొడితెల సతీశ్ కుమార్ ను మర్యాద పూర్వకంగా తమ నివాసం హనుమకొండలో నియోజక వర్గ స్థాయి నాయకులతో కలిసి కలిశారు. నియోజక వర్గ కేంద్రములో ముదిరాజు సంఘ భవనము, కల్యాణ మంటపము కొరకు స్థల కేటాయిస్తూ భవన నిర్మాణానికి కావలిసిన నిధులు మంజూరు చేయాలని కోరారు. అందుకు ఎమ్మెల్యే సతీశ్ కుమార్ సానుకూలంగా స్పందిస్తూ ఇప్పటికే స్థల కేటాయింపుకై జిల్లా కలెక్టర్ ను కోరామని త్వరలోనే స్థలము కేటాయిస్తానని హామీ ఇచ్చారు. అంతేగాక రాబోయే ఎన్నికల్లో నియోజక వర్గ ముదిరాజులందరం సంపూర్ణ మద్దతు ప్రకటించి, గెలుపుకు కృషిచేస్తామన్నారు. అనంతరం కరీంనగర్ జిల్లా ముదిరాజ్ మహాసభ ప్రధాన కార్యదర్శి, చిగురుమామిడి జడ్పీటీసీ సభ్యులు గీకురు రవీందర్ తో కలిసి ఎమ్మెల్యేను శాలువాతో సత్కరించారు.ఈ కార్యక్రమములో మహాసభ అధ్యక్షులు పెసరు రాజేశం, జిల్లా కార్యదర్శి తోట సతీష్, సర్పంచ్ సన్నీళ్ళ వెంకన్న, సహకార సంఘ అధ్యక్షులు చెరుకు సంజీవ్, జక్కుల బాబు, మాజీ అధ్యక్షులు కూన మహేందర్, కాశబోయిన నర్సయ్య తదితరులు పాల్గొన్నారు.
