కరీంనగర్ జిల్లా: గన్నేరువరం మండల వ్యాప్తంగా 78వ స్వతంత్ర దినోత్సవ వేడుకలు ఘనంగా నిర్వహించారు. పోలీస్ స్టేషన్లో ఎస్ఐ తాండ్ర నరేష్,తాసిల్దార్ కార్యాలయం లో నరసింహ చారి, మండల ప్రజా పరిషత్ కార్యాలయంలో రామాంజనేయ చార్యులు, గన్నేరువరం రైతు వేదికలో మండల వ్యవసాయ అధికారి కిరణ్మయి, ప్రభుత్వ పాఠశాలలో ప్రధానోపాధ్యాయులు రామయ్య, ప్రైమరీ స్కూల్లో సాయి శిరీష, శ్రీ లక్ష్మీనరసింహస్వామి మండల సమాఖ్య కార్యాలయంలో ఐకెపి (ఎపిఎం) లావణ్య, విజ్ఞాన్ కాన్వెంట్ స్కూల్లో కరస్పాండెంట్ బూర వెంకటేశ్వర్, మండలంలోని వివిధ ప్రభుత్వ కార్యాలయంలో జాతీయ జెండాను ఆవిష్కరించారు. అనంతరం గన్నేరువరం పోలీస్ శాఖ ఆధ్వర్యంలో ప్రభుత్వ పాఠశాలలో బుధవారం నాడు నిర్వహించిన మాదకద్రవ్యాలు, మత్తు పదార్థాల వినియోగం దానివల్ల వచ్చే ఆరోగ్య సమస్యలపై వ్యాసరచన పోటీల్లో గెలుపొందిన వారికి ఎస్ఐ తాండ్ర నరేష్ బహుమతులు అందజేశారు. ఈ కార్యక్రమంలో విద్యార్థిని విద్యార్థులు ఉపాధ్యాయులు పాల్గొన్నారు.
