కరీంనగర్ జిల్లా: గన్నేరువరం మండల కేంద్రంలోని జిల్లా పరిషత్ ఉన్నత పాఠశాలలో పదవ తరగతి చదువుకున్న 1998 -99 బ్యాచ్ విద్యార్థులు 25 సంవత్సరాల తర్వాత ఇటీవల కలుసుకొని సిల్వర్ జూబ్లీ వేడుకను నిర్వహించుకున్నారు. ఈ సందర్భంగా వారందరూ చదువుకున్న పాఠశాలకు 40 వేల విలువ గల కంప్యూటర్, పోడియం, కార్పెట్లను గురువారం స్వాతంత్ర దినోత్సవ వేడుకల్లో భాగంగా పాఠశాల ప్రధానోపాధ్యాయులు రామయ్యకు పూర్వ విద్యార్థులు అందజేశారు. అనంతరం పాఠశాల ఆవరణలో పూర్వ విద్యార్థులు మొక్కలను నాటారు. ఈ కార్యక్రమంలో పూర్వ విద్యార్థులు ఐలయ్య, అంజయ్య, రమేష్, లక్ష్మణ్, ప్రభాకర్, రాము, ధీమంత్, శేఖర్, సునంద్, నరసింహారెడ్డి, మల్లారెడ్డి, మధు, రాజేందర్ తదితరులు పాల్గొన్నారు.
