హైదరాబాద్ : జూబ్లీహిల్స్ నివాసంలో ముఖ్యమంత్రి రేవంత్ రెడ్డి గారిని బీసీ సంక్షేమ సంఘం నేతలు కలిశారు. ఈ సందర్భంగా, తెలంగాణలో బీసీ సామాజిక, ఆర్థిక, కుల సర్వే ప్రక్రియను తక్షణమే ప్రారంభించాలన్న ప్రభుత్వ నిర్ణయాన్ని స్వాగతిస్తూ హర్షం వ్యక్తం చేశారు.
ఈ సమావేశంలో, ముఖ్యమంత్రి రేవంత్ రెడ్డి, ఉపముఖ్యమంత్రి భట్టివిక్రమార్కకు కృతజ్ఞతలు తెలియజేశారు. బీసీ సంక్షేమ సంఘం అధ్యక్షుడు జాజుల శ్రీనివాస్ గౌడ్, పీసీసీ అధ్యక్షుడు మహేష్ కుమార్ గౌడ్, ప్రభుత్వ విప్ ఆది శ్రీనివాస్, ఎంపీ అనిల్ కుమార్ యాదవ్, ఎమ్మెల్యే శ్రీహరి, రిటైర్డ్ అధికారి చిరంజీవులు మరియు ఇతర బీసీ సంక్షేమ సంఘం నేతలు ఈ కార్యక్రమంలో పాల్గొన్నారు.
బీసీ సమాజానికి ముఖ్యమంత్రి మద్దతు, వారికి అందించబోయే సంక్షేమ పథకాలు, సామాజిక సమీకరణపై చర్చించారు. ప్రభుత్వ నిర్ణయం బీసీ సమాజానికి మేలుకొలిపే దిశగా ఉందని నేతలు అభిప్రాయపడ్డారు.
