జగిత్యాల జిల్లా,ఇబ్రహీంపట్నం: వర్షకొండ గ్రామంలో ఇటీవల ఏర్పాటు చేసిన ప్రజా పాలన గ్రామసభలో అధికారులపై ప్రజల ఆగ్రహం వ్యక్తం చేశారు. ప్రజలు పెద్ద ఎత్తున గుమిగూడి తిరగబడుతున్న పరిస్థితి నెలకొంది.
“ప్రభుత్వ పాలనపై ప్రజలకు నమ్మకం లేదని, ఈ సర్వేలు ఎవరికోసం?” అంటూ గ్రామస్థులు తీవ్రంగా మండిపడుతున్నారు. ప్రభుత్వ శాఖలు చేపట్టిన కార్యక్రమాలు మరియు సేవలు అందుబాటులో లేవని, ప్రజల సమస్యలకు పరిష్కారాలు దొరక్కపోవడాన్ని వారు అభ్యంతరం వ్యక్తం చేస్తున్నారు.
ప్రతిపక్ష పార్టీల నేతలు ఈ సమస్యపై ప్రభుత్వాన్ని తప్పుపట్టారు. వారు మాట్లాడుతూ, “పథకాలు మరియు దరఖాస్తులు తీసుకోవడం మాత్రమే జరుగుతున్నప్పటికీ, వాటి ఆచరణలో ఎలాంటి ప్రతిఫలాలు లేవు. అధికారులకు వాస్తవ పరిస్థితి తెలియజేయడం లేదు,” అని పేర్కొన్నారు.
ప్రజలు మాట్లాడుతూ, “మీరు మా సమస్యలను పట్టించుకోవడం లేదని. మీరు ఆడుతున్న నాటకాలు మాకు అర్థం కావడం లేదు. కేవలం వాగ్దానాలు, ప్రకటనలు మాత్రమే, మాకు కావలసినది పని,” అని పేర్కొన్నారు.
ఇందుకు సంబంధించి అధికారులు స్పందించకుండా, మౌనంగా ఉన్నారు. ప్రజా పాలన కోసం ప్రభుత్వ సంస్థలు మరింత చిత్తశుద్ధితో, ప్రజల సమస్యలకు ప్రామాణిక పరిష్కారాలు కనుగొనాలని అనేక వర్గాలు అభ్యర్థిస్తున్నాయి.
