హైదరాబాదులో ఘోర రోడ్డు ప్రమాదం .. గన్నేరువరం వాసి మృతి

•  టిప్పర్ ఢీకొని గన్నేరువరం వాసి మృతి
•  గన్నేరువరంలో విషాదం

కరీంనగర్ జిల్లా: హైదరాబాద్ లో జరిగిన రోడ్డు ప్రమాదంలో గన్నేరువరం కు చెందిన మునిగంటి కర్ణాకర్ సం.(45) మృతి చెందాడు. కుటుంబ సభ్యుల కథనం మేరకు మునిగంటి కరుణాకర్ వ్యాన్ డ్రైవర్ గా పనిచేస్తూ జీవనం సాగిస్తున్నాడు. పని నిమిత్తం హైదరాబాద్ వెళ్లి తిరిగి వస్తూ భోజనం చేయడానికి గచ్చిబౌలి కోకాపేట సమీపంలో రహదారి పక్కన వ్యాన్ ను నిలిపివేశాడు. వ్యాన్ దిగి హోటల్ వైపు వెళుతుండగా టిప్పర్ వాహనం వెనుక నుంచి వచ్చి ఢీ కొట్టింది. ఈ ప్రమాదంలో కరుణాకర్ కు తలపై తీవ్ర గాయాలై అక్కడికక్కడే మృతి చెందాడు. మృతుడికి భార్య సుశీల, కూతురు, కుమారుడు ఉన్నారు. భార్య ఫిర్యాదు మేరకు అక్కడి పోలీసులు కేసు నమోదు చేసుకొని దర్యాప్తు చేస్తున్నట్లు తెలిసింది. మృతదేహానికి పోస్టుమార్టం కోసం గాంధీ ఆసుపత్రికి తరలించారు.