విజయనగరం జిల్లా : బాడంగి జిల్లా పరిషత్ ఉన్నత పాఠశాలలో చదువుతున్న 8, 9 వ తరగతి విద్యార్థులు, 18 మంది దివ్యాంగ విద్యార్థులు ఇంటర్ పరీక్షలకు హాజరయ్యారు. ఈ పరీక్షలలో వారు స్క్రైబ్‌గా వ్యవహరించిన జె వందన, ఎన్ స్నేహిత, కె అరుణ, ఏ ప్రియాంక, పూజిత, విజయలక్ష్మి, లవకుమార్, సాహితి, తేజ్కిరణ్, కోమలి, శ్రీహితలను స్థానిక ఎంపీటీసీ సభ్యులు దేవరాపల్లి శ్రీనివాసరావు మరియు హెచ్ఎం సత్యన్నారాయణ ఘనంగా సత్కరించారు.
ఈ సందర్భంగా, ఎంపీటీసీ దేవరాపల్లి శ్రీనివాసరావు మాట్లాడుతూ, “విద్యార్థులు చిన్నప్పటినుండీ సామాజిక సేవలో పాల్గొని, అవసరం ఉన్న వారికి సహాయం చేయడంలో ముందుండాలని” అన్నారు. ఆయన మరింతగా, “దివ్యాంగులకు సేవ చేయడం అంటే విశ్వమామావులకు సేవ చేయడమే” అని పేర్కొన్నారు.
ఈ కార్యక్రమంలో, పాఠశాల ఉపాధ్యాయులు, జూనియర్ సహాయకులు తెంటు రాము, దివ్యాంగ విద్యార్థులు మరియు వారి తల్లిదండ్రులు కూడా పాల్గొన్నారు. పాఠశాలలో పదో తరగతి చదివిన విద్యార్థులు, ఇప్పుడు ఇంటర్మీడియట్ చదవడం గొప్ప విషయం అని ఆయన తెలిపారు. ఈ స్థాయికి రావటంలో సహకరించిన ప్రత్యేక ఉపాధ్యాయులు కొల్లి ఈశ్వరరావు, దివ్యాంగ విద్యార్థుల తల్లిదండ్రులను కూడా అభినందించారు.
