అయోధ్యలో బాల రాముడి విగ్రహానికి ప్రాణప్రతిష్ఠ పూర్తయింది. రామమందిరంలో బాల రాముడు కొలువుదీరాడు. వేద పండితుల మంత్రోచ్చారణల మధ్య, ప్రధాని నరేంద్ర మోదీ ఈ క్రతువును పూర్తిచేశారు. కార్యక్రమం పూర్తయిన తర్వాత బాల రాముడి సుందర రూపాన్ని ప్రత్యక్ష ప్రసారం చేశారు. ప్రపంచవ్యాప్తంగా ఉన్న హిందువులు బాల రాముడిని కనులారా దర్శించుకున్నారు. బాల రాముడి విగ్రహానికి సంబంధించిన కొన్ని విశేషాలు..
- నల్లరాతిపై చెక్కిన బాల రాముడి ప్రతిమ ఇది. నీలమేఘ శ్యాముడంటూ రామాయణంలోని వర్ణనకు అనుగుణంగా ఈ రాతిని ఎంచుకున్నారు.
- బాల రాముడి విగ్రహాన్ని స్వర్ణ, వజ్రాభరణాలతో అలంకరించారు.
- రాజకుటుంబ ఠీవీని ప్రదర్శించేలా ఆభరణాలతో అలంకరించారు.
- రాముడిని ఐదేళ్ల బాలుడి రూపానికి తగ్గట్లుగా, ఆ వయసులో కనిపించే అమాయకత్వం ఉట్టిపడేలాగా తీర్చిదిద్దారు.
- ఐదేళ్ల బాలుడి ఎత్తుకు కాస్త అటూఇటుగా 51 ఇంచుల విగ్రహం ఇది.
- స్వచ్ఛమైన బంగారంతో విల్లంబులు తయారుచేసి బాల రాముడి చేతిలో అలంకరించారు.
- రాముడు ఆజానుబాహుడని రామాయణంలో వర్ణించిన విషయం తెలిసిందే.
- దీనికి ప్రతీకగా బాల రాముడి చేతులను పొడవుగా, మోకాళ్ల వరకు చేరేంత పొడవుతో తీర్చిదిద్దారు. ఓ చేతిలో బాణం పట్టుకుని, మరో చేతితో ఆశీర్వాదం ఇస్తున్న రూపంలో విగ్రహాన్ని మలిచారు.
- రామాయణంలో శ్రీరాముడి వర్ణనను దృష్టిలో ఉంచుకుని ఈ విగ్రహానికి రూపమిచ్చారు. అందుకే బాల రాముడి కళ్లు పద్మాలను పోలినట్లు కనిపిస్తున్నాయి.
- బాల రాముడి విగ్రహాన్ని తీర్చిదిద్దినది కర్ణాటకకలోని మైసూరుకు చెందిన శిల్పి అరుణ్ యోగిరాజ్
प्रभु श्री राम आगमन#राम_का_भव्य_धाम pic.twitter.com/kIRMruHB0l
— G Kishan Reddy (@kishanreddybjp) January 22, 2024