బిజెపికి గడ్డం రాజీనామా

•  కేటీఆర్ సమక్షంలో త్వరలో బిఆర్ఎస్ లో చేరిక ?

కరీంనగర్ జిల్లా: ది రిపోర్టర్ టీవీ: మానకొండూరు నియోజకవర్గం బిజెపి సీనియర్ నాయకులు గడ్డం నాగరాజు బీజేపీకి రాజీనామా చేశారు. ఈ సందర్భంగా రాజీనామా లేఖను ఆ పార్టీ రాష్ట్ర అధ్యక్షుడు కిషన్ రెడ్డికి పంపించారు. గత 32 సంవత్సరాలుగా భారతీయ జనతా పార్టీలో నాయకునిగా కార్యకర్తగా వివిధ పదవులు పార్టీకి ఎంతో సేవ చేయడం జరిగిందని తెలిపారు. కానీ మానకొండూరు నియోజకవర్గం బిజెపి టికెట్ తనకు నిరాకరించి ఆరేపల్లి మోహన్ కు ఇవ్వడానికి తీవ్రంగా ఖండిస్తున్నట్లు తెలిపారు. పార్టీలో తనకు తగిన గుర్తింపు లేనందున పార్టీకి రాజీనామా చేస్తున్నట్లు పేర్కొన్నారు. త్వరలోనే కేటీఆర్ సమక్షంలో బీఆర్ఎస్ పార్టీలో చేరుతున్నట్లు గడ్డం నాగరాజు తెలిపారు.