కరీంనగర్ జిల్లా:ది రిపోర్టర్ టీవీ: నేడు కరీంనగర్ జిల్లా కాంగ్రెస్ కమిటీ అధ్యక్షులు డా.కవ్వంపల్లి సత్యనారాయణ ఆధ్వర్యంలో టీపీసీసీ అధ్యక్షులు రేవంత్ రెడ్డి సమక్షంలో కాంగ్రెస్ పార్టీలో చేరారు. రాజన్న సిరిసిల్ల జిల్లా ఇల్లంతకుంట మండల బిఆర్ఎస్, బిజెపి పార్టీల నుంచి కాంగ్రెస్ స్వంత గూటికి చేరుకున్నారు. పార్టీలో చేరిన వారిలో మాజీ సింగల్ విండో చైర్మన్ భూంపల్లి రాఘవ రెడ్డి,పాశం రాజేందర్ రెడ్డి, రేపాక మాజీ సర్పంచ్ భూపతి రెడ్డి, ముస్కాన్ పేట మాజీ సర్పంచ్ బద్దం హన్మంత్ రెడ్డి బీజేపీ జిల్లా నాయకులు బద్దం ఎల్లారెడ్డి, గాలిపల్లి మాజీ ఉపసర్పంచ్ రాంరెడ్డి,లక్ష్మారెడ్డి, కిషన్ రెడ్డి, నరేందర్, వెంకటరమణ రెడ్డి లుకు పార్టీ కండువా కప్పి టిపిసిసి అధ్యక్షులు రేవంత్ రెడ్డి ఆహ్వానించారు. త్వరలో ఇల్లంతకుంట మండల కేంద్రంలో కాంగ్రెస్ పార్టీ ఆధ్వర్యంలో నిర్వహించే బహిరంగ సభలో భారీ చేరికలు ఉంటాయని కాంగ్రెస్ నాయకులు తెలిపారు. ఈ కార్యక్రమంలో కాంగ్రెస్ పార్టీ జిల్లా ప్రధాన కార్యదర్శి చిట్కూరి అనంతరెడ్డి, జిల్లా నాయకులు అల్లూరి శ్రీనాథ్ రెడ్డి, గన్నేరువరం కాంగ్రెస్ పార్టీ మండల అధ్యక్షుడు ముస్కు ఉపేందర్ రెడ్డి,తదితరులు ఉన్నారు.
