కరీంనగర్ జిల్లా గన్నేరువరం మండలం : మూడు రోజులుగా అకాల వర్షాల కారణంగా నష్టపోయిన మొక్కజొన్న పంటలను వ్యవసాయ అధికారి కిరణ్మయి
సందర్శించారు. గన్నేరువరం మండలంలో ఎక్కువగా మొక్కజొన్న పంట నష్టపోయినట్టు తెలిపారు, ఖాసీంపేట గ్రామంలో ఎక్కువగా మొక్కజొన్న పంట విస్తీర్ణం ఉండటం వలన పంట నష్ట తీవ్రత కూడా ఎక్కువ ఉంది. మొక్కజొన్న తో పాటు మామిడి తోటలో కూడా పూత మరియు కాయలు రాలిపోవడం వలన మండలంలోని మామిడి రైతులకు తీవ్ర నష్టం కలిగిందని తెలిపారు.ఈ కార్యక్రమంలో ఖాసీంపేట గ్రామ సర్పంచ్ గంప మల్లేశ్వరి వెంకన్న, ఎంపిటిసి ఏలేటి స్వప్న చంద్రారెడ్డి,ఉప సర్పంచ్ బద్ధం సంపత్ రెడ్డి, రైతుబంధు గ్రామ సమన్వయ సమితి కోఆర్డినేటర్ జీల తిరుపతి రైతులు పాల్గొన్నారు.
