ప్రముఖ కొరియోగ్రాఫర్ జానీ మాస్టర్‌పై తెలంగాణలోని రాయదుర్గం పోలీస్‌ స్టేషన్‌లో కేసు నమోదైంది. జానీ మాస్టర్ తనపై లైంగిక వేధింపులకు పాల్పడ్డారని, అత్యాచారం చేశాడంటూ ఓ లేడీ డాన్సర్‌ రెండు రోజుల క్రితం పోలీసులకు ఫిర్యాదు చేసింది. రాయదుర్గం పోలీసులు జీరో ఎఫ్ఐఆర్ నమోదు చేసి కేసును నార్సింగ్ పీఎస్‌కు బదిలీ చేశారు. ఈ ఘటనపై నార్సింగ్ పోలీసులు దర్యాప్తు చేస్తున్నారు.
‘ఢీ’ అనే డ్యాన్స్ రియాల్టీ షోతో కొరియోగ్రాఫర్గా తన కెరీర్‌ను ప్రారంభించిన జానీ మాస్టర్ ఆ తర్వాత టాలీవుడ్లో వరుస ఛాన్సులు దక్కించుకున్నాడు. అలా పవర్ స్టార్ పవన్ కళ్యాణ్, మెగాస్టార్ చిరంజీవి, మెగాపవర్ స్టార్ రామ్ చరణ్, ఐకాన్ స్టార్ అల్లు అర్జున్, జూనియర్ ఎన్టీఆర్, రామ్ పోతినేని, రవితేజ వంటి హీరోల పాటలకు కొరియోగ్రఫీ చేశాడు. కోలీవుడ్, శాండల్వుడ్, బాలీవుడ్ అన్ని ఇండస్ట్రీలోనూ తన సత్తా చాటుతున్నాడు.
