కరీంనగర్ జిల్లా: పాఠశాలల క్రీడా సమాఖ్య రాష్ట్ర స్థాయి రెజ్లింగ్ పోటీలకు మానకొండూర్(గుండ్లపల్లి) జ్యోతిబాపూలే పాఠశాలకు చెందిన 13 మంది విద్యార్థులు ఎంపికైనట్లు ఆ పాఠశాల ప్రిన్సిపాల్ లవీన, అసిస్టెంట్ ప్రిన్సిపాల్ సునీత, ఫిజికల్ డైరెక్టర్ పి. శిరీషలు తెలిపారు. ఈ మేరకు సోమవారం కరీంనగర్ ప్రాంతీయ క్రీడా పాఠశాలలో జరిగిన జిల్లా స్థాయి ఎంపిక పోటీలో ప్రతిభ కనబరిచి ఈ క్రీడాకారులు రాష్ట్రస్థాయికి ఎంపికైనట్లు తెలిపారు. నారాయణపేట జిల్లా ధన్వాడలో వచ్చే నెల 3 నుండి 5 వరకు రాష్ట్రస్థాయి పోటీలు జరగనున్నాయి. అండర్ 17 విభాగంలో బి.లోహిత,ఇ. అక్షర, కె.కీర్తన,ఎం.అముల్య, పి శ్రీహర్ష,పి.పూర్ణిమ, 14 ఏళ్లలోపు విభాగంలో ఎం.రచన,టి. కారుణ్య, కె.సిరిచందన, వి.శివాని, సీహెచ్.రిషిత, టి.పరిమళ, బి.శ్రీక్షలు రాష్ట్రస్థాయికి ఎంపికయ్యారు. రాష్ట్రస్థాయి పోటీల్లో ఎక్కువ పతకాలు సాధించి జిల్లాకు పేరు తీసుకురావాలని ప్రిన్సిపాల్ నవీన ఆకాంక్షించారు. స్వల్ప వ్యవధిలో పాఠశాల విద్యార్థు లు రాష్ట్రస్థాయి పోటీలకు ఎంపికవడంలో ప్రత్యేక శిక్షణ ఇచ్చిన ఫిజికల్ డైరెక్టర్ శిరీషను ఈ సందర్భంగా ఆమె అభినందించారు.
