కరీంనగర్ జిల్లా: ఈనెల 20వ తేదీన మానకొండూరు నియోజకవర్గం తిమ్మాపూర్ మండలంలోని కొత్తపల్లి సాయి రాం గార్డెన్ లో జరిగే బీఆర్ఎస్ పార్టీ అలయ్ బలయ్ కార్యక్రమానికి నాయకులు కార్యకర్తలు అధిక సంఖ్యలో తరలివచ్చి విజయవంతం చేయాలని గన్నేరువరం బీఆర్ఎస్ పార్టీ మండలాధ్యక్షుడు గంప వెంకన్న కోరారు. ఈ సందర్భంగా మండల కేంద్రం గన్నేరువరంలో విలేకరుల సమావేశంలో మాట్లాడుతూ ఈ కార్యక్రమానికి సిద్దిపేట ఎమ్మెల్యే మాజీ మంత్రివర్యులు తన్నీరు హరీష్ రావు, మాజీ ఎమ్మెల్యే రసమయి బాలకిషన్ హాజరుకానున్నట్లు తెలిపారు. అనంతరం మున్నూరు కాపు సంఘం గ్రామ శాఖ అధ్యక్షుడిగా ఎన్నికైన బొడ్డు బాలయ్యను శాలువాతో సన్మానించారు.ఈకార్యక్రమంలో మాజీ జడ్పీటీసీ మాడుగుల రవీందర్ రెడ్డి,న్యాత సుధాకర్,పుల్లెల లక్ష్మణ్, గొల్లపల్లి రవి, అట్టికం రవి గౌడ్, బద్దం తిరుపతిరెడ్డి తదితరులు పాల్గొన్నారు.
