కరీంనగర్ జిల్లా: గన్నేరువరం మండలంలోని పారువెల్ల, ఖాసీంపేట గ్రామాల్లో ఇటీవలే కురిసిన అకాల వర్షాల కారణంగా దెబ్బతిన్న పొద్దుదీరుగుడు, మొక్కజొన్న పంటలను శనివారం జిల్లా కలెక్టర్ పమేలా సత్పత్తి అధికారులతో కలసి పరిశీలించారు. ఈ సందర్భంగా మాట్లాడుతూ అకాల వర్షాల కారణంగా దెబ్బతిన్న ప్రతి రైతుకు నష్టపరిహారం అందిస్తామని అన్నారు. పారువెల్ల గ్రామంలో రైతులు సాగు చేస్తున్న పామాయిల్ పంటను పరిశీలించి, మార్కెట్లో డిమాండ్ ఉన్న పంటలను రైతులు సాగు చేసి అధిక లాభాలు పొందాలని సూచించారు.జిల్లా వ్యవసాయాధికారి శ్రీనివాస్ మండల వ్యవసాయ అధికారి కిరణ్మయి, తాసిల్దార్ బిక్షపతి, ఎంపీడీవో శంకర్ తదితరులు పాల్గొన్నారు.
