కరీంనగర్ జిల్లా: మానకొండూర్ నియోజకవర్గం బెజ్జంకి మండల కేంద్రంలో ప్రాథమిక వ్యవసాయ సహకార సంఘం ఆధ్వర్యంలో కేడీసీసీ బ్యాంకు బెజ్జంకి మండల శాఖ నూతన భవన నిర్మాణానికి మానకొండూర్ నియోజకవర్గ శాసనసభ్యులు డా.కవ్వంపల్లి సత్యనారాయణ శంకుస్థాపన చేశారు. ఈ సందర్బంగా ఎమ్మెల్యే కవ్వంపల్లి సత్యనారాయణ ప్రాథమిక వ్యవసాయ సహకార సంఘంలోని రైతులకు మరింత మెరుగైన సేవలు అందించడానికి నూతన భవన నిర్మాణానికి కృషి చేసిన చైర్మన్ మరియు పాలకవర్గ సభ్యులకు, బ్యాంకు సీఈఓ కి శుభాకాంక్షలు తెలిపారు. తొలి ఏకాదశి రోజున ఇంత మంచి కార్యక్రమాన్ని ప్రారంభించినాము కాబట్టి తొందరగా భవన నిర్మాణం పూర్తి చేసి త్వరగా రైతులకు అందుబాటులోకి తీసుకరావాలన్నారు. బెజ్జంకి ప్రాథమిక సహకార సంఘం ఆధ్వర్యంలో ఇది వరకే పెట్రోల్ బంక్, షాపింగ్ కాంప్లెక్స్, మినీ కన్వెన్షన్ హాల్ తో నిర్మించి ఇప్పుడు బ్యాంకు నిర్మాణం చేపట్టి సంఘాన్ని అభివృద్ధి పథంలో నడిపిస్తున్న పాలక వర్గ సభ్యులకు ధన్యవాదములు తెలిపారు. ఈ కార్యక్రమంలో కేడీసీసీ బ్యాంకు సీఈఓ,పిఏసీఎస్ చైర్మన్ మరియు పాలకవర్గ సభ్యులు కాంగ్రెస్ పార్టీ నాయకులు కార్యకర్తలు పాల్గొన్నారు.
