కరీంనగర్ జిల్లా: కవ్వంపల్లి యువసేన జిల్లా అధ్యక్షునిగా తిమ్మాపూర్ మండలం కొత్తపల్లి గ్రామానికి చెందిన నోముల అనిల్ గౌడ్ నియామకమయ్యారు. ఈ మేరకు శనివారం ఎల్ఎండీ కాలనీలోని ప్రజా భవన్ లో మానకొండూర్ శాసన సభ్యుడు డాక్టర్.కవ్వంపల్లి సత్యనారాయణ అనిల్ గౌడ్ కు నియామక పత్రం అందజేశారు.కవ్వంపల్లి సత్యనారాయణపై ఉన్న ప్రత్యేక అభిమానంతో గత పది సంవత్సరాలుగా అనిల్ ఆయన వెన్నంటి ఉంటున్నారు.యువసేన పేరిట పలు సామాజిక సేవా కార్యక్రమాలు నిర్వహిస్తూనే మరోవైపు కాంగ్రెస్ పార్టీ బలోపేతానికి పాటుపడుతున్నారు. నిబద్ధత, చిత్తశుద్ధితో చేస్తున్న కృషికి గుర్తింపుగానే తనకు ఈ పదవి లభించినట్టు నోముల అనిల్ గౌడ్ పేర్కొన్నారు. తనను అధ్యక్షునిగా నియమించిన ఎమ్మెల్యే డాక్టర్ కవ్వంపల్లి సత్యనారాయణకు, ఇందుకు సహకరించిన పార్టీ నాయకులకు ఆయన కృతజ్ఞతలు తెలిపారు.
