- ఎన్.డి.ఆర్.ఎస్ బృందాలు, గజ ఈతగాళ్లతో వెతకాలని అధికారులను ఆదేశించిన ఎమ్మెల్యే
- హుటా హుటిన చేరుకొని పరిస్థితిని సమీక్షించిన ఆర్డిఓ మహేశ్వర్, సిఐ ఇంద్రసేనారెడ్డి
కరీంనగర్ జిల్లా: ది రిపోర్టర్ టీవీ: చిరుమామిడి మండలం నవాబుపేట గ్రామం వాగులో ఏడెల్లి రాజయ్య అనే వ్యక్తి గల్లంతయ్యాడు విషయం తెలుసుకుని సంఘటన స్థలానికి చేరుకొని ఎన్డీఆర్ఎఫ్ బృందాలు, గజ ఈతగాళ్లతో వెతకాలని ఎమ్మెల్యే సతీష్ కుమార్ అధికారులను ఆదేశించారు. సంఘటన గురించి స్థానికులను అడిగి తెలుసుకుని రాజయ్య కుటుంబ సభ్యులను పరామర్శించి ధైర్యం చెప్పారు. గత నాలుగు రోజుల నుండి కురుస్తున్న భారీ వర్షాలకు వాగులు వంకలు పొంగిపొర్లుతున్నాయని చెరువులు నిండి మత్తల్లు దుంకుతున్నాయని ప్రజలందరూ జాగ్రత్తగా ఉండి ప్రమాదాలకు గురికావద్దని వారి కుటుంబసభ్యులకు బాధను మిగిల్చవద్దని హుస్నాబాద్ నియోజకవర్గ ప్రజలకు విజ్ఞప్తి చేశారు, వ్యవసాయదారులు జాగ్రత్త వహించాలని పశువులను, జీవాలను జాగ్రత్తగా కాపాడుకోవాలని సూచించారు. నవాబుపేట వాగు వద్దకు కరీంనగర్ ఆర్డిఓ మహేశ్వర్, తిమ్మాపూర్ సర్కిల్ సీఐ ఇంద్రసేనారెడ్డి సమీక్షిస్తున్నారు.
