మెదక్ జిల్లా చిన్న శంకరంపేట మండలం ఖాజాపూర్ గ్రామంలో విద్యార్థులు, విద్యార్థుల తల్లిదండ్రులు బుధవారం రాస్తారోకో చేపట్టారు. గత వారం పది రోజులుగా ఆర్టీసీ బస్సులు సమయపాలన పాటించకపోవడం వల్ల తాము పాఠశాలకు వెళ్లలేకపోతున్నామని, త్రైమాసిక పరీక్షలు సమీపిస్తున్న నేపథ్యంలో ఇబ్బందులు ఎదుర్కొంటున్నామని ఆవేదన వ్యక్తం చేశారు సందర్భంగా ఆర్టీసీ బస్సు ముందు బైఠాయించి గంటపాటు రాస్తారోకో చేపట్టారు. గతంలో సమయానికి బస్సులు ఉండేవని ఇబ్బంది ఉండేది కాదని గత వారం పది రోజులుగా సమయపాలన పాటించకపోవడం వల్ల తాము పాఠశాలకు వెళ్లలేకపోతున్నామని విద్యార్థులు ఆవేదన వ్యక్తం చేశారు. ఇప్పటికైనా సమయపాలన పాటించి తమకు పాఠశాల సమయానికి ఆర్టీసీ బస్సులు ఏర్పాటు చేయాలని వారు డిమాండ్ చేశారు
