జగిత్యాల జిల్లా,మెట్ పల్లి : ఈ రోజు మధ్యాహ్నం, సీఐ నిరంజన్ రెడ్డి మరియు ఎస్సై అనిల్ ఆధ్వర్యంలో ఇబ్రహీంపట్నం మండలంలోని బండలింగాపూర్ క్రాస్ రోడ్ వద్ద వాహనాలు తనిఖీ చేస్తుండగా, ఒక నంబర్ లేని పల్సర్ బైక్ పై ముగ్గురు వ్యక్తులు వస్తుండగా, వారిని ఆపి సోదా చేయగా, వారి వద్ద 220 గ్రాముల గంజాయి లభ్యమైంది.
విచారణలో, మెట్ పల్లి నుండి నిజామాబాద్ వెళ్ళి, అక్కడ రైల్వే స్టేషన్ సమీపంలోని అజార్ అనే వ్యక్తి నుంచి గంజాయి కొనుగోలు చేసి, మెట్ పల్లికి తీసుకువచ్చి చిన్న ప్యాకెట్లుగా తయారు చేసి అమ్మేందుకు రాగా పట్టుకోబడ్డారు.
పోలీసులు మూడు సెల్ ఫోన్లు మరియు వాడిన బైకును స్వాధీనం చేసుకొని, నిందితులను అదుపులోకి తీసుకుని కేసు నమోదు చేశారు.
