జగిత్యాల జిల్లా, మెట్ పల్లి పట్టణంలోని అంబేద్కర్ స్టేడియంలో జిల్లా స్థాయి అథ్లెటిక్స్ పోటీలను ఘనంగా ప్రారంభించారు. ఈ కార్యక్రమాన్ని మున్సిపల్ చైర్ పర్సన్ రాణవేణి సుజాత మరియు ప్రముఖ వైద్య నిపుణులు డాక్టర్ ఆనంద్ బాబు సంయుక్తంగా ప్రారంభించారు.
ఈ సందర్భంగా క్రీడాకారులను ఉద్దేశించి మున్సిపల్ చైర్ పర్సన్ రాణవేణి సుజాత మాట్లాడుతూ, “చిన్నతనం నుండి విద్యార్థులు క్రీడల పట్ల దృష్టి సారించాలి. క్రీడల వల్ల అనేక లాభాలు ఉంటాయి. వాటి ద్వారా శారీరక ఆరోగ్యం మెరుగుపడుతుంది, మానసిక ఉల్లాసం పెరుగుతుంది. అలాగే, క్రీడలు స్నేహభావం పెంచడంలో ఎంతో సహాయపడతాయి” అని అన్నారు.
ప్రముఖ వైద్య నిపుణులు డాక్టర్ ఆనంద్ బాబు మాట్లాడుతూ, “క్రీడల వల్ల శారీరక, మానసిక ఆరోగ్యం మెరుగవుతుంది. విద్యార్థులు క్రీడల ద్వారా మరింత ఉల్లాసంగా ఉంటారు. క్రీడలు వ్యక్తిత్వ వికాసానికి కూడా దోహదపడతాయి” అని చెప్పారు.
జిల్లా అథ్లెటిక్స్ సెక్రెటరీ ఏలేటి ముత్తయ్య రెడ్డి మాట్లాడుతూ, “ఈ పోటీల్లో గెలుపొందిన క్రీడాకారులను వచ్చే నెల డిసెంబర్ 1వ తేదీన మంచిర్యాలలో జరగనున్న రాష్ట్రస్థాయి అథ్లెటిక్స్ పోటీలకు 25 మందిని ఎంపిక చేయనున్నారు” అని తెలిపారు.
ఈ పోటీలలో 980 మంది క్రీడాకారులు పాల్గొన్నారు. పోటీలు అనంతరం, క్రీడల్లో ప్రతిభ కనబరిచిన విద్యార్థులకు రాణవేణి సుజాత గౌరవప్రదమైన సర్టిఫికెట్లు, మెడల్స్ అందజేశారు.
ఈ కార్యక్రమంలో ఏలేటి ముత్తయ్య రెడ్డి, జిల్లా అథ్లెటిక్స్ సంఘం ఉపాధ్యక్షులు జి రామదాస్, బి కొమురయ్య, ఆల్ రెండు గంగాధర్, సంఘ సభ్యులు శంకర్, కార్తీక్, అశోక్, ప్రశాంత్, సిహెచ్ రవలి, మధులిత తదితరులు పాల్గొన్నారు.
