జగిత్యాల జిల్లా, మెట్ పల్లి: సైబర్ నేరాలపై విద్యార్థులకు అవగాహన కల్పించేందుకు మెట్ పల్లి జ్ఞానోదయ డిగ్రీ కళాశాలలో ఈ రోజు ఒక ప్రత్యేక కార్యక్రమం నిర్వహించబడింది. ఈ అవగాహన సదస్సుకు ముఖ్య అతిథులుగా డీఎస్పీ ఏ. రాములు, సీఐ శ్రీ నిరంజన్ రెడ్డి, ఆర్‌ఎస్ఐ కృష్ణ మారుతి, కరస్పాండెంట్ ఇల్లెందుల శ్రీనివాస్ తదితరులు పాల్గొన్నారు.
ఈ కార్యక్రమంలో సీఐ నిరంజన్ రెడ్డి, ఆర్‌ఎస్ఐ కృష్ణ మారుతి విద్యార్థులకు సైబర్ నేరాలపై అవగాహన కల్పిస్తూ, ఫోన్ కాల్, వాట్సాప్ సందేశాల ద్వారా ఎవరైనా అనుమానితులు సంప్రదిస్తే వెంటనే పోలీసులకు తెలియజేయాలని సూచించారు. బ్యాంకు లావాదేవీలపై సైబర్ నేరగాళ్లు ఫోన్ లేదా వాట్సాప్ కాల్స్ పంపి, లక్షల కొద్దీ రుణం మంజూరయ్యాయని చెబుతూ మోసాలు చేస్తున్నారని, ఇలాంటి సందేశాలు వచ్చితే అవి నమ్మకూడదని వారు స్పష్టం చేశారు.
డీఎస్పీ ఏ. రాములు మాట్లాడుతూ, ఫోన్లో ఫోటో మార్ఫింగ్ చేసి భయపెట్టి, వాట్సాప్ నెంబరును ఉపయోగించి మీ మిత్రులకు అప్పు అడిగినట్లుగా సందేశాలు పంపించే సైబర్ నేరగాళ్ల నుండి జాగ్రత్త వహించాలని సూచించారు. యువతపై స్పష్టమైన సూచనగా, ఇంస్టాగ్రామ్ లో వ్యక్తిగత వివరాలు మరియు ఫోటోలు అనవసరంగా పెట్టకూడదని అన్నారు.
ఈ అవగాహన కార్యక్రమంలో డీఎస్పీ ఏ. రాములు, సీఐ నిరంజన్ రెడ్డి, ఆర్‌ఎస్ఐ కృష్ణ మారుతి, కరస్పాండెంట్ ఇల్లెందుల శ్రీనివాస్, కళాశాల అధ్యాపక బృందం, విద్యార్థులు పెద్ద సంఖ్యలో పాల్గొన్నారు.
ఈ కార్యక్రమం సైబర్ నేరాలను అరికట్టడంలో అవగాహన పెంచేందుకు మరింత ప్రభావవంతంగా మారే అవకాశముంది.
