పిడుగురాళ్ల: సనాతన ధర్మ పరిరక్షణ కోసం డిప్యూటీ సీఎం పిలుపుతో ప్రాయశ్చిత్త దీక్షను జరుపుకున్నారు. ఈ కార్యక్రమంలో జనసేన పార్టీ అధ్యక్షుడు కామిశెట్టి రమేష్ ఆధ్వర్యంలో పిడుగురాళ్ల పట్టణంలోని శివాలయంలో ప్రత్యేకంగా దీపారాధన కార్యక్రమాన్ని నిర్వహించారు.
ఈ కార్యక్రమంలో ఉమ్మడి గుంటూరు జిల్లా అధ్యక్షులు గాదె వెంకటేశ్వరరావు సూచనల ప్రకారం, పార్టీ అధిష్టానం సోమవారం రాష్ట్రవ్యాప్తంగా ఉన్న ఆలయాలలో దీపారాధన కార్యక్రమాన్ని చేపట్టాలని నిర్ణయించింది.
శివాలయంలో నిర్వహించిన దీపారాధన కార్యక్రమంలో కూటమి నేతలతో పాటు భారీ సంఖ్యలో మహిళా భక్తులు పాల్గొని ప్రత్యేక మైన దీపాల అలంకరణలు చేశారు. భక్తిశ్రద్ధలతో పూజ కార్యక్రమాలను ఘనంగా నిర్వహించారు.
ఈ కార్యక్రమం ద్వారా సనాతన ధర్మాన్ని కాపాడుకోవడం మరియు భక్తుల ఆధ్యాత్మికతను ప్రోత్సహించడం ప్రధాన ఉద్దేశ్యంగా ఉంది. కామిశెట్టి రమేష్ మాట్లాడుతూ, “మా పార్టీ ఈ విధమైన కార్యక్రమాల ద్వారా సనాతన ధర్మాన్ని పరిరక్షించేందుకు కట్టుబడి ఉంది” అని తెలియజేశారు.
