పిడుగురాళ్ల రూరల్, పల్నాడు జిల్లా: పల్నాడు జిల్లా పిడుగురాళ్ల రూరల్ మండలంలోని జానపాడు గ్రామ ఎంపీటీసీ-2 స్థానానికి ముప్పాళ్ల సాంబయ్య బుధవారం తన నామినేషన్ దాఖలు చేశారు. మండల పరిషత్ ప్రాథమిక పాఠశాలలో ఏర్పాటు చేసిన నామినేషన్ కేంద్రంలో ఎన్నికల అధికారులకు ఆయన నామినేషన్ పత్రాలను సమర్పించారు.
ఈ సందర్భంగా ముప్పాళ్ల సాంబయ్య మాట్లాడుతూ గ్రామ అభివృద్ధే తన ప్రధాన లక్ష్యమని తెలిపారు. గ్రామంలోని మౌలిక సదుపాయాల మెరుగుదల, ప్రజా సమస్యల పరిష్కారం కోసం నిరంతరం కృషి చేస్తానని పేర్కొన్నారు. ప్రజల ఆశీర్వాదం, సహకారంతో గ్రామాన్ని అన్ని రంగాల్లో అభివృద్ధి పథంలో నడిపించేందుకు కట్టుబడి ఉంటానని చెప్పారు.
రానున్న ఎన్నికల్లో గ్రామ ప్రజలందరూ తనకు అండగా నిలిచి ఆశీర్వదించాలని ఆయన విజ్ఞప్తి చేశారు. నామినేషన్ కార్యక్రమంలో కుటుంబ సభ్యులు, గ్రామ పెద్దలు, మద్దతుదారులు, అభిమానులు పెద్ద సంఖ్యలో పాల్గొని ముప్పాళ్ల సాంబయ్యకు సంఘీభావం తెలిపారు. నామినేషన్ కేంద్రం వద్ద ఉత్సాహభరిత వాతావరణం నెలకొంది.
