అంబెడ్కర్ ఫ్లెక్సీలు పెట్టారని దళితుల పై చిత్తూర్ జిల్లా పుంగనూరు ఎస్సై మరియు పోలీసులు దాడికి దిగిన ఘటన ఆశ్చర్యానికి గురిచేస్తుంది. పౌరులకు రక్షణ కల్పించడమే కర్తవ్యంగా భావించే పోలీసులు దళితులకు రాజ్యాంగం కల్పించిన వాక్ స్వాతంత్య్ర హక్కును అణచివేయడానికి బలప్రయోగం చేయడం ఎంతమాత్రం ఆమోదయోగ్యం కాదు, అవమానకరం. ఈ సంఘటన దళితుల ప్రాథమిక హక్కులను ఉల్లంఘించడమే కాకుండా వారి పట్ల పోలీసుల కులతత్వ, వివక్షాపూరిత వైఖరిని ప్రదర్శించింది.
దళితులు కేవలం డా. బి.ఆర్‌ ఫ్లెక్సీని ప్రదర్శించారు. దళితుల, ఇతర అణగారిన వర్గాల హక్కుల కోసం పోరాడిన గొప్ప నాయకుడు అంబేద్కర్. రాజ్యాంగాన్ని పరిరక్షించి, పౌరులందరి హక్కులను కాపాడాల్సిన పోలీసులే దళితుల ప్రాథమిక హక్కులను కాలరాస్తూ .. దళితుల పై దాడులు చేసి భయభ్రాంతులకు గురిచేయడం విడ్డూరం.
ఈ ఘటనపై వెంటనే విచారణ జరిపి సంబంధిత పుంగనూరు ఎస్సై పై అలాగే ఇతర పోలీసు అధికారులపై కఠిన చర్యలు తీసుకోవాలని దళిత సంఘాలే కాక ఇతరులు డిమాండ్ చేస్తున్నారు . ప్రభుత్వం మరియు పోలీసు శాఖ భవిష్యత్తులో ఇటువంటి సంఘటనలు జరగకుండా చూసుకోవాలి మరియు వారి కులం, మతం లేదా లింగంతో సంబంధం లేకుండా పౌరులందరి హక్కులు మరియు గౌరవాన్ని పెంపొందించేలా చర్యలు తీసుకోవాలని రాష్ట్ర ప్రజలు కోరుతున్నారు.
