సహారా ఇండియా ప‌రివార్‌పై న‌మోదైన కేసుకు సంబంధించిన విచార‌ణ సంద‌ర్భంగా పాట్నా హైకోర్టు శుక్ర‌వారం పోలీసుల‌కు కీల‌క ఆదేశాలు జారీ చేసింది. సహారా ప‌రివార్ చీఫ్ సుబ్ర‌తోరాయ్‌ను త‌మ ముందు హాజ‌రు ప‌ర‌చాలంటూ హైకోర్టు బీహార్ డీజీపీకి ఆదేశాలు జారీ చేసింది. ఈ నెల 16న ఉద‌యం 10.30 గంట‌ల‌కు సుబ్ర‌తో రాయ్‌ను కోర్టు ముందు హాజ‌రుప‌ర‌చాల‌ని హైకోర్టు ఆదేశించింది. ఈ వ్య‌వ‌హారంలో ఉత్త‌ర‌ప్ర‌దేశ్ డీజీపీ, ఢిల్లీ పోలీస్ క‌మిష‌న‌ర్‌ల స‌హ‌కారం తీసుకోవాల‌ని కూడా బీహార్ డీజీపీని కోర్టు ఆదేశించింది.
