Snake on Plane: సాధారణంగా మన ఇంటికి పాములు వస్తే చాలా కంగారు పడుతుంటాము. అది వెళ్లిపోయే వరకు లేకపోతే చంపే వరకు నిద్రపోము. అలాంటిది విమానంలో పాము కనిపిస్తే ఎలా ఉంటుంది.ప్రయాణికులు ఎంతగా ఆందోళన చెందుతారో ఊహించుకోంది. సరిగ్గా ఇలాంటి సంఘటనే అమెరికాలో జరిగింది. ప్రయాణికులు పామును గుర్తించడంతో విమానాన్ని తనిఖీ చేసి పామును బయటకు తీశారు.ఈ ఘటనపై యునైటెడ్ ఎయిర్ లైన్స్ స్పందించింది. ప్రయాణికులు పాము గురించి సిబ్బందిని అప్రమత్తం చేశారని.. పామును పట్టుకుని పరిస్థితి చక్కదిద్దడానికి అధికారులను పిలిచామని ప్రకటనలో వెల్లడించింది. న్యూజెర్సీలో విమానం ల్యాండ్ అయిన తర్వాత టాక్సే వేకు వెళ్తున్న సమయంలో బిజినెస్ క్లాస్ లో ప్రయాణికులు పామును గుర్తించారు. ప్రయాణికులు కేకలు వేస్తూ.. తమ పాదాలను పైకి పెట్టుకున్నారు. పామును విమానం నుంచి పట్టుకున్న తర్వాత ప్రయాణికులు తమ సామానుతో విమానం నుంచి దిగారు. సాధారణంగా గార్టెర్ పాములు ఫ్లోరిడాలో కనిపిస్తాయి. 18 నుంచి 26 అంగుళాల పొడవు ఉండే ఈ పాములు మానవులకు, జంతువులకు హాని కలిగించవు. అయితే ఉద్దేశపూర్వకంగా వేధిస్తేనే కాటు వేస్తాయి. దీని కాటువల్ల మానవుడికి పెద్దగా అపాయం ఉండదు. అంతకు ముందు ఫిబ్రవరి నెలలో కూడా మలేషియాలో ఎయిర్ ఏషియా విమానంలో కూడా ఇలాంటి సంఘటనే జరిగింది. విమానం గాలిలో ఉండగా ప్రయాణికులు పామును గుర్తించారు.
