సినీ, టీవీ డబ్బింగ్ అసోసియేషన్ల పేరుతో వసూళ్ల దందా .. పట్టించుకోని అధికారులు : వి.సుధాకర్

•  డబ్బింగ్ అసోసియేషన్ల పేరుతొ మోసాలు
•  కలెక్షన్లు, మోసాలు, దందాలు
•  దోచుకోవడమే ప్రధాన లక్ష్యం
•  తెలంగాణ కార్మికుల వేతనాల దోపిడీ
•  పట్టించుకోని అధికారులు
•  వి. సుధాకర్, అధ్యక్షులు – ప్రింట్ & ఎలక్ట్రానిక్ మీడియా

హైదరాబాద్ : తెలంగాణాలో ఆంధ్రా పెత్తందారుల డబ్బింగ్ ఆర్టిస్ట్ అసోసియేషన్ ఆఫ్ తెలుగు టెలివిజన్ (డాట్) సభ్యుల అక్రమ వసూళ్ల దందా కొనసాగుతోందని ఇన్వెస్టిగేటివ్ జర్నలిస్ట్, ప్రింట్ అండ్ ఎలక్ట్రానిక్ మీడియా రిపోర్టర్స్ అసోసియేషన్ జాతీయ అధ్యక్షులు వి.సుధాకర్ పండిపడ్డారు.

కొత్తగా వచ్చే కళాకారులను పని చేయనివ్వకుండా అడ్డుకుంటూ, డాట్ అనే అస్సోసియేషన్ కార్డు ఉంటేనే డబ్బింగ్ చెప్పాలంటూ
లేదంటే చెప్పడానికి వీలులేదని దౌర్జన్యాలకు పాలుపడుతున్నారని, అంతేకాక డబ్బింగ్ స్టూడియోలకు వెళ్ళి డబ్బింగ్ కార్మికుల వేతనాలను డాట్ డబ్బింగ్ అసోసియేషన్ బ్యాంక్ ఖాతాలో వేయాలని లేదంటే ఎవరు మీ సీరియల్ లో డబ్బింగ్ చెప్పరని బ్లాక్ మెయిల్ కి పాలుపడి డబ్బింగ్ కళాకారుల వేతనాలను వసూల్ చేసుకొని వారికి ఇవ్వకుండా, ఒక వేళ ఇచ్చినా, ఇవ్వాల్సిన డబ్బులో కొంత కమిషన్లు కట్ చేసుకొని ఇస్తున్నారు. తెలంగాణ కార్మికుల వేతనాలు కూడా అక్రమంగా డాట్ సభ్యులు వసూల్ చేసుకొని నేటికీ ఇవ్వకుండా ఇబ్బందులకు గురిచేస్తున్నారు.

ఆంధ్రా పెత్తందారుల చేతిలో నేటికీ తెలంగాణ సినీ మరియు టీవీ కార్మికులు నలిగిపోతున్నారు. అడుగడుగునా అణచివేయబడుతున్నారు. నేటి కి విభజన చట్టం అమలు కాలేదు. తెలంగాణ సినీ, టీవీ కార్మిక సంఘాలు చెల్లవు, ఫెడరేషన్ ఫేక్ , ఛాంబర్ లేదు. తెలంగాణ కార్మిక సంఘాలలో ఉంటె కడుపు పై కొడతారు. తెలంగాణాలో ఉన్న ఆంధ్రా సినీ కార్మిక సంఘాలు తెలంగాణ సినీ కార్మిక సంఘాలు చెల్లవంటూ ప్రచారాలు చేస్తున్నారు. ఆంధ్రా సినీ కార్మిక సంఘాల ఆగడాలకు అంతులేదు. కలెక్షన్లు, మోసాలు, దందాలు పట్టించుకునే అధికారి గాని, నాయకులు గాని లేరు. గత ప్రభుత్వం తెలంగాణ సినీ కార్మికుల సమస్యల పై పట్టనట్టు వ్యవహరించింది. కనీసం సియం రేవంత్ రెడ్డి తెలంగాణ బిడ్డల సమస్యల పై స్పందిస్తారని ఆశించారు. కానీ ఆంధ్రా సినీ పెత్తందారులకు ఆహ్వానాలు, అపాయింట్మెంట్ ఇచ్చారు కానీ తెలంగాణ సినీ కార్మికుల సమస్యల పై ఒక్క మాట కూడా మాట్లాడలేదు. అలాంటప్పుడు తెలంగాణ సినిమాటోగ్రఫీ మంత్రి ఎందుకు ? ఆంధ్రా సినిమాటోగ్రఫీ మంత్రి అని పెట్టుకుంటే సరిపోలే ? తెలంగాణ మంత్రుల తీరునుబట్టే ఆంధ్రా పెత్తందారులు తెలంగాణ సినీ మరియు టివి కార్మికులను అణచివేస్తున్నారని సుధాకర్ మండిపడ్డారు.

తెలంగాణ భాషను వెక్కిరిస్తారు, యాసను వెక్కిరిస్తారు. తెలంగాణ స్లాంగ్ ఉన్న క్యారెక్టర్ కి ఆంద్రోళ్ళ చేత డబ్బింగ్ చెప్పిస్తారు. అంటే అణచివేత ఎక్కడుంది ? మనకి కనబడేది ఒకటి చేస్తున్నది మరొకటి ఎవరు గమనించాలి ? ఎవరు తెలంగాణ బిడ్డల ఆర్తనాధాలు వినేది ! పని చేయించుకుని కార్మికుల వేతనాలు ఇవ్వరు. శ్రమ దోపిడీ చేస్తున్నారు. అడిగితె రౌడీ షీటర్స్ తో బెదిరింపులు లేదా అక్రమ కేసులు పెట్టి పోలీసుల చేత మానసిక వేదనకు గురిచేస్తున్నారు. అంటే డబ్బుతో పోలీసులను, రౌడీ షీటర్స్ ను కొంటున్నారా ?  లేక ఏంటి ? సుమారుగా 40 ఏళ్ళు ఆంధ్రా సినీ పెత్తందారుల చేతిలో తెలంగాణ బిడ్డలు అడుగడుగునా అణచివేయబడుతున్నారు.

తెలంగాణ బిడ్డలను అణచివేస్తున్న ఆంద్రోళ్ళకు తెలంగాణాలో నంది అవార్డుల ప్రదానం ఏందీ ? తెలంగాణ బిడ్డలను ఆగం చేసిన వాళ్లకు తెలంగాణాలో నంది అవార్డులు ప్రదానం చేస్తారా ? సియం రేవంత్ రెడ్డి నంది అవార్డుల ప్రదానం విషయంలో సరైన నిర్ణయం తీసుకోకుంటే తెలంగాణ బిడ్డలను అవమానించినట్టే.

ముందుగా తెలంగాణ సినీ మరియు టీవీ పరిశ్రమను ఏర్పాటు చేసే విషయంలో సమగ్రమైన కార్యాచరణ చేపట్టి, శాఖను పటిష్టం చేసి ఆ తరువాత తెలంగాణ పెద్దల సమక్షంలో నంది అవార్డుల ప్రదానం గురించి మాట్లాడితే బాగుంటుంది. తెలంగాణ సినీ మరియు టివి కార్మికులకు న్యాయం చేసే ఏ కార్యక్రమంలో అయినా ప్రభుత్వానికి సహకరిస్తాం. అదే సమయంలో అన్యాయం జరిగిన ప్రతిచోటా పేద సినీ మరియు టివి కార్మికుల గొంతుకగా నిలబడి రాజీలేని పోరాటం చేయడానికి వెనుకాడబోనని వి.సుధాకర్ తెలిపారు.