తెలంగాణ రాష్ట్రంలోని ఎస్సీ, ఎస్టీ గురుకుల డిగ్రీ కళా‌శా‌లల్లో ప్రవేశాల కోసం నిర్వహించిన టీజీయూజీసెట్‌ ఫలితాలు శుక్రవారం విడుదల కానున్నాయి. ఈ నెల 19 నుంచి 21 వరకు తొలి‌వి‌డత కౌన్సె‌లింగ్‌ నిర్వహించనున్నారు. అభ్యర్థులు టీసీ, కుల, ఆదాయ ధ్రువీకరణ పత్రాలు, ఇంటర్‌ మార్కుల మెమో, పాస్‌పోర్ట్‌ సైజు ఫొటోలతో కౌన్సెలింగ్‌కు హాజరుకావాల్సి ఉంటుంది. అభ్యర్థులు ఫలితాల కోసం https://tswreis.in/ లేదా http://www.tgtwgurukulam.telangana.gov.in/ వెబ్‌సైట్‌లు చూడొచ్చు.
25న ఏక‌లవ్య ప్రవేశ పరీక్ష
రాష్ట్రంలోని ఏక‌లవ్య ఆదర్శ పాఠ‌శా‌లల్లో 6వ తర‌గ‌తిలో చేరేం‌దుకు ఈ నెల 25న ప్రవే‌శ‌ప‌రీక్ష నిర్వహించనున్నారు. పరీక్ష కోసం దరఖాస్తు చేసుకున్న విద్యార్థులు https://telanganaemrs.in/ నుంచి హాల్‌‌టి‌కెట్లు డౌన్‌‌లోడ్‌ చేసు‌కో‌వా‌లని అధికారులు సూచించారు.
తెలంగాణ గురుకుల ప్రవేశ పరీక్షల తేదీలు ఇవే
తెలంగాణ సంక్షేమ గురుకుల విద్యా సంస్థల్లో ప్రవేశాలకు సంబంధించి అర్హత పరీక్షలు అన్నింటినీ జులై నెలాఖరులోగా పూర్తి చేయాలని లక్ష్యాన్ని నిర్దేశించుకున్నాయి. కరోనా వ్యాప్తి తగ్గుముఖం పట్టడం.. ప్రభుత్వం లాక్‌డౌన్‌ ఆంక్షలు ఎత్తివేయడంతో పరీక్షల నిర్వహణకు మార్గం సుగమమైంది. ఈ క్రమంలో బోధన, అభ్యసన కార్యక్రమాల్లో జాప్యం జరగకుండా వీలైనంత త్వరగా అడ్మిషన్లు నిర్వహించాలని విద్యాశాఖ సూచించడంతో గురుకుల సొసైటీ అధికారులు పరీక్షల నిర్వహణ ప్రక్రియను వేగవంతం చేశారు.
