బాలయ్య బాబుతో సినిమా తీయాలని దర్శకుడు పరుశురామ్ ప్లాన్ చేస్తున్నాడట. ప్రస్తుతం మహేష్ బాబుతో ‘సర్కారు వారి పాట’ ప్రాజెక్టుతో బిజీగా ఉన్న పరుశురామ్.. గతంలో బాలయ్యకు చెప్పిన కథను పట్టాలెక్కించే ప్రయత్నం చేస్తున్నాడట. కాగా ‘సర్కారు వారి పాట’ సినిమా పూర్తైన తర్వాత బాలయ్య బాబుతో సినిమా ఉంటుందని పరుశురామ్ తన సన్నిహితులకు కూడా చెప్పినట్లు తెలుస్తోంది.
ఇక మరో అప్ డేట్ విషయానికి వస్తే.. ప్రస్తుతం మాస్ మహారాజ్ రవితేజ వరుస సినిమాలతో బిజీగా ఉన్నాడు. తాజాగా ‘రావణాసుర’ మూవీ షూటింగ్‌లో పాల్గొన్నాడు. తొలిరోజు చాలా ఎగ్జైటింగ్‌గా ఉందని మెసేజ్ చేస్తూ.. రవితేజ, షూటింగ్‌లో పాల్గొన్న ఫోటోను కూడా సోషల్ మీడియాలో పోస్ట్ చేశాడు. సుధీర్ వర్మ డైరెక్ట్ చేస్తున్న ఈ సినిమాలో.. అను ఇమ్మాన్యుయేల్, మేఘా ఆకాష్, ఫరియా అబ్దుల్లా, పూజిత పొన్నాడ తదితరులు నటిస్తున్నారు.
