పల్నాడు జిల్లా, కారంపూడి : ఉమ్మడి గుంటూరు జిల్లా ఖో ఖో అసోసియేషన్ ఆధ్వర్యంలో గత శనివారం గుంటూరు లోని నల్లపాడు పాలిటెక్నీకల్ కాలేజీ గ్రౌండ్ లో ఉమ్మడి గుంటూరు జిల్లా జూనియర్ బాల బాలికల ఖో ఖో జట్ల ఎంపికలు జరిగాయి. ఇందులో భాగంగా కారంపూడి మండలం ఒప్పిచర్ల జిల్లా పరిషత్ ఉన్నత పాఠశాల కు చెందిన రాంపాటి నాగ శ్రీ లక్ష్మి, పాశం శివ మణి లు ఉమ్మడి గుంటూరు జిల్లా బాలికల ఖో ఖో జట్టుకు ఎంపికైనట్లు పాఠశాల ప్రధానో పాధ్యాయురాలు విజయ లలిత తెలిపారు. వీరు ఈ నెల 25 నుండి 27 వరకు చిత్తూరు జిల్లా కాణిపాకం లో జరిగే అంతర జిల్లాల జూనియర్ ఖో ఖో రాష్ట్ర స్థాయి పోటీల్లో పాల్గొటారని పాఠశాల వ్యాయామ ఉపాధ్యాయుడు చిన్న రత్తయ్య తెలియజేశారు. ఎంపికైన క్రీడాకారులకు మంగళవారం పాఠశాల అభినందన సభలో ఉపాధ్యాయులు ఆషా, దుర్గాదేవి, నిర్మలా, రామాదేవి హనుమంతురావు, అబ్దుల్ రఫి, అంజిరెడ్డి, బలరాం, సునీత, సీతమహాలక్ష్మి,సంధ్యా లు మరియు గ్రామస్థులు గ్రామ పెద్దలు అభినందనలు తెలియజేశారు.
