తిరుపతి జిల్లా చంద్రగిరి నియోజకవర్గం పాకాల మండలం చంద్రగిరివారిపల్లి, వల్లివేడు పరిసర ప్రాంతాలలో మంగళవారం రాత్రి మరలా పంట పొలాల్లో ఏనుగులు మంద సంచరించి పంట పొలాలు, బోర్లు, పైపులు ధ్వంసం చేశాయి. రైతులకు తీవ్ర నష్టం వాటిల్లింది. సోమవారం రాత్రి ఏనుగులు గుంపు రైతుల పంట పొలాలను ధ్వంసం చేసి నష్టపరిచాయి. ఇది మరువక ముందే మరలా మంగళవారం రైతులకు తీవ్ర నష్టం వాటిల్లింది. అటవీ శాఖ అధికారుల స్పందించి, నివారణ చర్యలు తీసుకోవాలని రైతులు వేడుకుంటున్నారు. అదేవిధంగా ఏనుగుల మంద నుంచి రక్షణ కల్పించాలని కోరుతున్నారు.
