జమ్మూ కశ్మీర్‌లోని కుల్గామ్ జిల్లాలో ఉగ్రవాదులు CRPF నాకాపై దాడికి పాల్పడ్డారు. బైక్‌పై వచ్చిన ఉగ్రవాదులు అకస్మాత్తుగా కాల్పులు జరపడంతో ముగ్గురు CRPF జవాన్లు గాయపడ్డారు.
ప్రాథమిక సమాచారం ప్రకారం గాయపడిన జవాన్లలో ఇద్దరి పరిస్థితి విషమంగా ఉన్నట్లు తెలుస్తోంది. గాయపడిన వారిని వెంటనే సమీప ఆసుపత్రికి తరలించి చికిత్స అందిస్తున్నారు.
దాడి సమయంలో CRPF సిబ్బంది కూడా ఉగ్రవాదులకు ఎదురుకాల్పులు జరిపారు. భద్రతా బలగాల ప్రతిఘటనతో దుండగులు అక్కడి నుంచి తప్పించుకున్నట్లు సమాచారం.
ఘటన అనంతరం భద్రతా బలగాలు ప్రాంతాన్ని పూర్తిగా తమ ఆధీనంలోకి తీసుకుని గాలింపు చర్యలు ప్రారంభించాయి. ఉగ్రవాదుల కోసం విస్తృతంగా సెర్చ్ ఆపరేషన్ కొనసాగుతోంది.
ఈ ఘటన నేపథ్యంలో కుల్గామ్ జిల్లాలో భద్రతను మరింత కట్టుదిట్టం చేశారు. అదనపు బలగాలను మోహరించి, అనుమానాస్పద కదలికలపై నిఘా పెంచారు. దాడికి పాల్పడిన ఉగ్రవాదులను గుర్తించి పట్టుకునేందుకు భద్రతా సంస్థలు దర్యాప్తు చేపట్టాయి.
