కర్నూలు జిల్లా మంత్రాలయం నియోజకవర్గంలోని పెద్దకడబూరులో మత గురువు అబ్ధుల్ రెహమాన్ ఆధ్వర్యంలో గ్రామ శివారుల్లోని పొలంలో ముస్లిం సోదరులు వర్షం కోసం ప్రత్యేక ప్రార్థనలు చేశారు. రైతులు సాగు చేసిన పంటలకు సకాలంలో వర్షం ప్రసాదించాలని, రైతులు ఆశించిన రీతిలో పంటలు సమృద్ధిగా పండాలని, ఇందుకు అల్లా చల్లని దయ చూపాలని కోరారు. ఈ కార్యక్రమంలో ముస్లిం పెద్దలు మహబూబ్, మహమ్మద్, బాషా, అల్లాబకాష్, మైనుద్దీన్, అబ్దుల్, అధిక సంఖ్యలో ముస్లింలు పాల్గొన్నారు.
