- నీట మునిగిన పంట పొలాలను పరిశీలించిన మంత్రి గొట్టిపాటి రవికుమార్
బాపట్ల జిల్లా పిట్టలవానిపాలెం: మండల కేంద్రంలో గత నాలుగు రోజులుగా కురిసిన వర్షాలకు ఖాజీపాలెం సినిమా హాల్ దగ్గర నుండి అల్లూరు వరకు నీట మునిగిన పంట పొలాలను సోమవారం మంత్రి గొట్టిపాటి రవికుమార్, బాపట్ల శాసనసభ్యులు వేగేశన నరేంద్ర వర్మ, బాపట్ల పార్లమెంట్ సభ్యులు తెన్నేటి కృష్ణ ప్రసాద్ పరిశీలించారు.
ఈ కార్యక్రమంలో మంత్రి గొట్టిపాటి రవికుమార్ మాట్లాడుతూ అకాల వర్షాల కారణంగా నీట మునిగిన పంట పొలాలను చూసి నష్టపోయిన రైతులకు ప్రభుత్వం ఖచ్చితంగా అండగా నిలబడుతుందని భరోసా ఇచ్చారు.
విపత్తులను సమర్థవంతంగా ఎదుర్కొనేందుకు ప్రభుత్వం అన్ని విధాల పనిచేస్తుందని, బాధిత రైతు కుటుంబాలకు ప్రభుత్వం నుండి కావలసిన సహాయం అందుతుందని తెలియజేశారు.
ఈ కార్యక్రమంలో బాపట్ల పార్లమెంటు అధ్యక్షులు సలగల రాజశేఖర బాబు ,మాజీ ఎమ్మెల్యే చీరాల గోవర్ధన్ రెడ్డి , బాపట్ల పట్టణ అధ్యక్షుడు గొలపల శ్రీనివాసరావు ,అధికారులు మరియు నియోజకవర్గ నాయకులు,రైతులు తదితరులు పాల్గొన్నారు.
