గిద్దలూరు: పట్టణాన్ని సమగ్ర అభివృద్ధి దిశగా ముందుకు తీసుకెళ్లే లక్ష్యంతో గిద్దలూరు పురపాలక సంఘం పరిధిలో రూ.25 కోట్ల నిధులు మంజూరయ్యాయి. హైబ్రిడ్ యాన్యుటీ మోడల్ (HAM) పథకం కింద మంజూరైన ఈ నిధులతో చేపట్టనున్న అభివృద్ధి పనులకు గిద్దలూరు ఎమ్మెల్యే ముత్తుముల అశోక్ రెడ్డి శంకుస్థాపన చేశారు.
పట్టణంలోని రేడియో భావి సెంటర్‌లో నిర్వహించిన కార్యక్రమంలో ఎమ్మెల్యే పాల్గొని శిలాఫలకాన్ని ఆవిష్కరించారు. అనంతరం అభివృద్ధి పనులకు శంకుస్థాపన చేశారు.
ఈ నిధులతో గిద్దలూరు పట్టణంలో మౌలిక సదుపాయాల అభివృద్ధికి అవకాశం కలగనుంది. పట్టణ ప్రజలకు మెరుగైన సౌకర్యాలు కల్పించడం, పట్టణాభివృద్ధికి అవసరమైన పనులను ముందుకు తీసుకెళ్లడం ఈ కార్యక్రమం ప్రధాన లక్ష్యంగా ఉంది.
పట్టణ అభివృద్ధికి నిధులు మంజూరు కావడం, పనులకు శ్రీకారం చుట్టడంతో స్థానికంగా అభివృద్ధి పనులపై ఆశలు నెలకొన్నాయి. ఆయా పనులు పూర్తయితే పట్టణ ప్రజలకు మెరుగైన సదుపాయాలు అందుబాటులోకి వచ్చే అవకాశం ఉంది. ఈ కార్యక్రమంలో మున్సిపల్ కమిషనర్ ఈ.వి. రమణబాబు , స్థానిక నాయకులు, పట్టణ ప్రజలు పాల్గొన్నారు
